اکبرسعادت

دورنا گدر قوشا قوشا

قارل? داغدان آشا آشا

منم گوزم دولور ?اشا

آنادیلیمیز:بوندان کی پاییزین سون گونلری و قیشین اول گونلری بیر آغیر قارلا باشلاندی و هاوانین دماسی دویولان صورتده آشاغییا یئندی و حتی خانا و ساری داش شهرلرینده هاوانین دماسی -۲۷ چاتدی بو خوش بیر خبر وئره بیلردی کی بو ایل قیش سویوق و قارلی بیر قیش دی آنجاق زمان گئتدیکجه گون دونوب ورق چوندی و گئچن گونلرینده بیر یاغینتی سیستمی کی مملکتین جنوب و جنوب غرب ماحاللارینا گلدی بوندان کی او منطقه لرده قارین آغیر یاغماسی و هاوانین بی سابقه صورتده سویوقلاشماسینا سبب اولدو. آنجاق بو موشتولوغو وئرمک اولار کی دی آیینین سون گونلری بیر نعمتلی و یاغینتیلی گونلر اولا و اومود کی گلن هفته گلن سیستم لر بونداندا کی واردیلار تقویت تاپیب و بیر گوزه گلیم یاغینتیا و تانرینین نعمتینه شاهید اولاق البته کی بو ایل بهمن آییدا بیر یاغینیتی لی آیلاریمیزدان اولاجاق انشاءالله.

ایل بویو آذربایجان خالقی بیرچوخ اوزه ل گونلری عزیزلییب اوگونلراوچون بیرپارا دبلرو عنعنه لر یارالدمیش لار کی اونلارین بیریده “قیش گئجه لری”دیر.”بو آرادا چیلله”سوزو چهله یا همان قیشین ایلک قیرخ گونوندن آلنمیش دیر کی چوخ اسکی و تاریخی بیر گئچمیشه صاحیب دیر.گوز(پاییز)فصلینین سون گئجه سی و صاباحی قیش گونونون ایلکی ائل آراسیندا چوخ طنطنه لی وشادلیقلارلا دولواولان بیر گون اولارق تانینان چیلله گئجه سی وچیلله آخشامی آدلانیر.بو قیش گونلرینده هرکسین بیر آجی شیرین خاطیره سی وار.منسه گئچمیش زامان لاردان بیر دولو خاطیره م یادیم دا قالیب.بو قیش گونلرینده هر نه دن چوخ او گئجه منی یازماغا مجبور ائدیر.

قارلی قیش گونلرین بیرینده پنجرهنین آرخاسیندا دایانیب تاماشا ائدیردیم. قار دنهلری رقص ائده ـ ائده دووارلارین، کوللارین، آغاجلارین بوداقلارینا، بیر سوزله هر شئیین اوزه رینه دوشوردو. ائله بو آن ایری بیر قار دنه سی پنجرهیه طرف گلدی. الیمی باییرا اوزادیب قار دنهسینین آلتینا توتدوم آستاجا گلیب اووجومون ایچینه دوشدو. نئجه ده آغ و شفّاف ایدی، ائله بیل اوزه رینده صنعتکار الی ایشله‌میشدی، اوز ـ اوزومه دئدیم: کاش قار دنهسینین دیلی اولایدی. اوز سرگوذشتینی منه دانیشایدی. بونا بند ایمیش کیمی قاردنهسی دیله گلدی. منیم سرگوذشتیمی ائشیتمک ایستهییرسن سه قولاق آس دانیشیم. من بیر نئچه آی اول سو قطرهسیدیم. خزر دنیزینده میلیارد ـ میلیارد سو قطرهلریله اویان ـ بویانا گئتمک‌له گون‌لریمی کئچیردیردیم. یای گون‌لریندن بیرینده دنیزده گزیشیردیم، گونش برک ایستی ساچیردی ایستی‌نین تأثیریندن قیزیشیب مینلر، اون مینلر قطره ایله بیرلیکده بوخارا چئوریلدیم. بیز یونگوللوکدن قانادلانیب یوخاریلارا اوچوردوق، کولک ده آرخامیزا دوشوب بیزی ایستهدییی طرفه قوووردو، او قدر یوخاری قالخدیق کی آدام‌لار گوزوموزدن ایتدی. هر طرفدن بوخار کوتله‌لری گلیب بیزه قوشولوردو، بعضاده بیز گئدیب داها بویوک بوخار کوتله‌لرینه قوشولوردوق. بیر ـ بیریمیزه قوشولوب یول گئدیردیک. گئتدیک‌جه سیخ‌لاشیب چوخالیب، چوخالدیق‌جا یوخاریلارا انگین‌لیک لره اوچوردوق، بعضا گونشین اوزونو اورتوردوک، بعضاده آی و اولدوزلارین قارشیسینی کسیردیک، گئجهنی داها قارانلیقلاشدیریدیق. بوخار ذرهلری‌نین بیر چوخو دئییردی: آرتیق بیز بولود اولموشوق. کولک بیزی جور به جور شکیل‌لره سالیردی، هله من اوزوم دنیزده یاشایاندا بولودلاری موختلیف شکیل‌لرده، اینسان، دَوه، حتتا اوزون قولاق شکلینده گؤرموشدوم. گؤیده نئچه آی سرگردان قالدیغیمیزی بیلمیرم.

چوخ سیخ‌لاشمیشدیق کی اطرافی گورموردوک، هارایا گئتدیییمیزی بیلمیردیک. گونش گورونموردو. ائله بیل گونشین قاباغینی کسمیشدیک. بولودون ائنی ـ اوزونو بیر نئچه یوز کیلومتر اولاردی و یاغیش اولوب یئره قاییتماق ایستهییردیک. یئرین حسرتیله اوره ییم بیر تیکه اولموشدو. بیر مدت دن سونرا یاری سو و یاری بوخار حالینا دوشدوک.

آز قالیردی یاغیشا چئوریلک. بیردن هاوا ائله سویودو کی من ده، یولداش‌لاریم دا تیترهدیک. اطرافیما نظر سالیب یولداش‌لاریمین بیریندن سوروشدوم کی نه اولوب؟ بئله جاواب وئردی: «ایندی باشقا یئرلرده هاوالار ایستی اولسا دا، بیزیم اولدوغوموز یئرلرده قیشدیر. بو گوزلهنیلمز سویوق بیزی یاغیش اولماغا قویمایاجاق. بیرجه منه باخ؛ من قارا دونورم ائله سن اوزون ده.» یولداشیم سوزلرینی قورتارا بیلمهدی.

قارا دونوب یئره ائنمهیه باشلادی. اونون آردینجا من ده. مینلر منیم کیمی ذرهلرده بیر بیری‌نین آردینجا قارا دونوب یئره یاغماغا باشلادیق. دنیزده اولاندا آغیر ایدیم آنجاق ایندی چوخ یونگول‌لشمیشم. قوو کیمی اوچوردوم اونا گوره کی سویوق ایلیکلریمه ایشلهمیشدی. رقص ائده ـ ائده یئره گلیردیم ائله کی یئره یاخینلاشدیم گوردوم اورمو شهرینه دوشورم. خزر دنیزیندن نه قدر اوزاقلاشمیشدیم، یوخاریدا اولارکن بیر اوشاغین یازیق بیر ایتی دویدویونو گوردوم، ایت آلدیغی ضربهلردن یازیق ـ یازیق زینگیلدهییردی. گوردوم کی یئره بو وضعیتده یاخینلاشسام دوز همین ظالیم اوشاغین باشینا دوشهجم.

کولکدن خواهیش ائلهدیم کی منی باشقا یئره آپارسین. اوشاغین باشینا دوشمکدن خیلاص اولدوم کولک ده خواهیشیمی قبول ائدیب منی بورایا گتیردی. الینی آلتیما توتدوغون اوچون سندن خوشوم گلدی. نهایت قاردنهسینین سسی کسیلدی باخیب گوردوم کی سویا دونوب.